(1)మరీచి కొడుకు కశ్యప ప్రజాపతి. బ్రహ్మదేవుడి కుడి చేతి బొటన వేలి నుండి దక్షుడు అనే పురుషుడు, ఎడమచేతి బొటన వేలి నుండి ధరణి అనే స్త్రీ జన్మించారు. వారు ఇరువురికి వెయ్యి మంది మహా రుషులు జన్మించారు. (2)బ్రహ్మ మానస పుత్రులలో రెండవ వాడైన అంగిరుసున కు, ఉతధ్యుడు, బృహస్పతి, సంవర్తుడు అనే కొడుకులు పుట్టారు. బృహస్పతి దేవతలకు గురువు ఐనాడు. (3).అత్రి అనే మానసపుత్రునికి అనేక మంది మహా మునులు జన్మించారు.(4) పులస్త్యుడు అనే బ్రహ్మ మానసపుత్రునకు, రాక్షసులు జన్మించారు. (5)పులహుడు అనే మానస పుత్రునకు, కిన్నరలు, కింపురుషులు జన్మించారు.(6)క్రతువు అనే మాన సపుత్రునకు పక్షి జాతి పుట్టింది.

ఆదిపర్వ - అధ్యాయ 248

॥ శ్రీః ॥
1.248. అధ్యాయః 248
(అథ ఖాండవదాహపర్వ ॥ 18 ॥)
Mahabharata - Adi Parva - Chapter Topics
యుధిష్ఠిరస్య రాజ్యపరిపాలనప్రకారవర్ణనం॥ 1 ॥
తత్రైవ నివసతా శ్రీకృష్ణేన సహార్జునస్య జలక్రీడార్థం యమునాం ప్రతి గమనం॥ 2 ॥
సస్త్రీకయోస్తయోర్జలక్రీడావర్ణనం॥ 3 ॥
బ్రాహ్మణరూపస్యాగ్నేస్తత్రాగమనం॥ 4 ॥
Mahabharata - Adi Parva - Chapter Text

వైశంపాయన ఉవాచ। 1-248-0x(1314)(10774)
ఇంద్రప్రస్థే వసంతస్తే జఘ్రురన్యాన్నరాధిపాన్।
శాసనాద్ధృతరాష్ట్రస్య రాజ్ఞః శాంతనవస్య చ॥ 1-248-1(10775)
ఆశ్రిత్య ధర్మరాజానం సర్వలోకోఽవసత్సుఖం।
పుణ్యలక్షణకర్మాణం స్వదేహమివ దేహినః॥ 1-248-2(10776)
స సమం ధర్మకామార్థాన్సిషేవే భరతర్షభ।
త్రీనివాత్మసమాన్బంధూన్నీతిమానివ మానయన్॥ 1-248-3(10777)
తేషాం సమవిభక్తానాం క్షితౌ దేహవతామివ।
బభౌ ధర్మార్థకామానాం చతుర్థ ఇవ పార్థివః॥ 1-248-4(10778)
అధ్యేతారం పరం వేదాన్ప్రయోక్తారం మహాధ్వరే।
రక్షితారం శుభాఁల్లోకాఁల్లోభిరే తం జనాధిపం॥ 1-248-5(10779)
అధిష్ఠానవతీ లక్ష్మీః పరాయణవతీ మతిః।
వర్ధమానోఽఖిలో ధర్మస్తేనాసీత్పృథివీక్షితాం॥ 1-248-6(10780)
భ్రాతృభిః సహితౌ రాజా చతుర్భిరధికం బభౌ।
ప్రయుజ్యమానైర్వితతో వేదైరివ మహాధ్వరః॥ 1-248-7(10781)
తం తు ధౌంయాదయో విప్రాః పరివార్యోపతస్థిరే।
బృహస్పతిసమా ముఖ్యాః ప్రజాపతిమివామరాః॥ 1-248-8(10782)
ధర్మరాజే హ్యతిప్రీత్యా పూర్ణచంద్ర ఇవామలే।
ప్రజానాం రేమిరే తుల్యం నేత్రాణి హృదయాని చ॥ 1-248-9(10783)
న తు కేవలదైవేన ప్రజా భావేన రేమిరే।
యద్బభూవ మనఃకాంతం కర్మణా స చకార తత్॥ 1-248-10(10784)
న హ్యయుక్తం న చాసత్యం నాసహ్యం న చ వాఽప్రియం।
భాషితం చారుభాషస్య జజ్ఞే పార్థస్య ధీమతః॥ 1-248-11(10785)
స హి సర్వస్య లోకస్య హితమాత్మన ఏవ చ।
చికీర్షన్సుమహాతేజా రేమే భరతసత్తమ॥ 1-248-12(10786)
తథా తు ముదితాః సర్వే పాండవా విగతజ్వరాః।
అవసన్పృథివీపాలాఁస్తాపయంతః స్వతేజసా॥ 1-248-13(10787)
తతః కతిపయాహస్య బీభత్సుః కృష్ణమబ్రవీత్।
ఉష్ణాని కృష్ణ వర్తంతే గచ్ఛావో యమునాం ప్రతి॥ 1-248-14(10788)
సుహృజ్జనవృతౌ తత్ర విహృత్య మధుసూదన।
సాయాహ్నే పునరేష్యావో రోచతాం తే జనార్దన॥ 1-248-15(10789)
వాసుదేవ ఉవాచ। 1-248-16x(1315)
కుంతీమాతర్మమాప్యేతద్రోచతే యద్వయం జలే।
సుహృజ్జనవృతాః పార్థ విహరేమ యథాసుఖం॥ 1-248-16(10790)
వైశంపాయన ఉవాచ। 1-248-17x(1316)
ఆమంత్ర్య తౌ ధర్మరాజమనుజ్ఞాప్య చ భారత।
జగ్మతుః పార్థగోవిందౌ సుహృజ్జనవృతౌ తతః॥ 1-248-17(10791)
`విహరన్ఖాండవప్రస్థే కాననేషు చ మాధవః।
పుష్పితోపవనాం దివ్యాం దదర్శ యమునాం నదీం॥ 1-248-18(10792)
తస్యాస్తీరే వనం దివ్యం సర్వర్తుసుమనోహరం।
ఆలయం సర్వభూతానాం ఖాండవం ఖడ్గచర్మభృత్॥ 1-248-19(10793)
దదర్శ కృత్స్నం తం దేశం సహితః సవ్యసాచినా।
ఋక్షగోమాయుశార్దూలవృకకృష్ణమృగాన్వితం॥ 1-248-20(10794)
శాఖామృగగణైర్జుష్టం గజద్వీపినిషేవితం।
శకబర్హిణదాత్యూహహంససారసనాదితం॥ 1-248-21(10795)
నానామృగసహస్రైశ్చ పక్షిభిశ్చ సమావృతం।
మానార్హం తచ్చ సర్వేషాం దేవదానవరక్షసాం॥ 1-248-22(10796)
ఆలయం పన్నగేంద్రస్య తక్షకస్య మహాత్మనః।
వేణుశాల్మలిబిల్వాతిముక్తజంబ్వాంరచంపకైః॥ 1-248-23(10797)
అంకోలపనసాశ్వత్థతాలజంబీరవంజులైః।
ఏకపద్మకతాలైశ్చ శతశశ్చైవ రౌహిణైః॥ 1-248-24(10798)
నానావృక్షైః సమాయుక్తం నానాగుల్మసమావృతం।
వేత్రకీచకసంయుక్తమాశీవిషనిషేవితం॥ 1-248-25(10799)
విగతార్కం మహాభోగవితతద్రుమసంకటం।
వ్యాలదంష్ట్రిగణాకీర్ణం వర్జితం సర్వమానుషైః॥ 1-248-26(10800)
రక్షసాం భుజగేంద్రాణాం పక్షిణాం చ మహాలయం।
ఖాండవం సుమహాప్రాజ్ఞః సర్వలోకవిభాగవిత్॥ 1-248-27(10801)
దృష్టవాన్సర్వలోకేశ అర్జునేన సమన్వితః।
పీతాంబరధరో దేవస్తద్వనం బహుధా చరన్॥ 1-248-28(10802)
సద్రుమస్య సయక్షస్య సభూతగణపక్షిణః।
ఖాండవస్య వినాశం తం దదర్శ మధుసూదనః॥' 1-248-29(10803)
విహారదేశం సంప్రాప్య నానాద్రుమమనుత్తమం।
గృహైరుచ్చావచైర్యుక్తం పురందరపురోపమం॥ 1-248-30(10804)
భక్ష్యైర్భోజ్యైశ్చ పేయైశ్చ రసవద్బిర్మహాధనైః।
మాల్యైశ్చ వివిధైర్గంధైస్తథా వార్ష్మేయపాండవౌ॥ 1-248-31(10805)
తదా వివిశతుః పూర్ణం రత్నైరుచ్చావచైః శుభైః।
యథోపజోషం సర్వశ్చ జనశ్చిక్రీడ భారత॥ 1-248-32(10806)
స్త్రియశ్చ విపులశ్రోష్ణ్యశ్చారుపీనపయోధరాః।
మదస్ఖలితగామిన్యశ్చిక్రీడుర్వామలోచనాః॥ 1-248-33(10807)
వనే కాశ్చిజ్జలే కాశ్చిత్కాశ్చిద్వేశ్మసు చాంగనాః।
యథాదేశం యథాప్రీతి చిక్రీడుః పార్థకృష్ణయోః॥ 1-248-34(10808)
వాసుదేవప్రియా నిత్యం సత్యభామా చ భామినీ।
ద్రౌపదీ చ సుభద్రా చ వాసాంస్యాభరణాని చ।
ప్రాయచ్ఛంత మహారాజ స్త్రీణాం తాః స్మ మదోత్కటాః॥ 1-248-35(10809)
కాశ్చిత్ప్రహృష్టా ననృతుశ్చుక్రుశుశ్చ తథా పరాః।
జహసుశ్చ పరా నార్యః పపుశ్చాన్యా వరాసవం॥ 1-248-36(10810)
రురుధుశ్చాపరాస్తత్ర ప్రజఘ్నుశ్చ పరస్పరం।
మంత్రయామాసురన్యాశ్చ రహస్యాని పరస్పరం॥ 1-248-37(10811)
వేణువీణామృదంగానాం మనోజ్ఞానాం చ సర్వశః।
శబ్దేన పూర్యతే హర్ంయం తద్వనం సుమహర్ద్ధిమత్॥ 1-248-38(10812)
తస్మింస్తదా వర్తమానో కురుదాశార్హనందనౌ।
సమీపం జగ్మతుః కంచిదుద్దేశం సుమనోహరం॥ 1-248-39(10813)
తత్ర గత్వా మహాత్మానౌ కృష్ణౌ పరపురంజయౌ।
మహార్హాసనయో రాజంస్తతస్తౌ సన్నిషీదతుః॥ 1-248-40(10814)
తత్ర పూర్వవ్యతీతాని విక్రాంతానీతరాణి చ।
బహూని కథయిత్వా తౌ రేమాతే పార్థమాధవౌ॥ 1-248-41(10815)
తత్రోపవిష్టౌ ముదితౌ నాకపృష్ఠేఽశ్వినావివ।
అభ్యాగచ్ఛత్తదా విప్రో వాసుదేవధనంజయౌ॥ 1-248-42(10816)
బృహచ్ఛాలప్రతీకాశః ప్రతప్తకనకప్రభః।
హరిపింగోజ్జ్వలశ్మశ్రుః ప్రమాణాయామతః సమః॥ 1-248-43(10817)
తరుణాదిత్యసంకాశశ్చీరవాసా జటాధరః।
పద్మపత్రాననః పింగస్తేజసా ప్రజ్వలన్నివ॥ 1-248-44(10818)
జగామ తౌ కృష్ణపార్థౌ దిధక్షుః ఖాండవం వనం।
ఉపసృష్టం తు తం కృష్ణో భ్రాజమానం ద్విజోత్తమం।
అర్జనో వాసుదేవశ్చ తూర్ణముత్పత్య తస్థతుః॥ ॥ 1-248-45(10819)

ఇతి శ్రీమన్మహాభారతే ఆదిపర్వణి ఖాండవదాహపర్వణి అష్టచత్వారింశదధికద్విశతతమోఽధ్యాయః॥ 248 ॥

Mahabharata - Adi Parva - Chapter Footnotes
1-248-14 ఉష్ణాని నిధాధదినాని॥ 1-248-16 కుంతీ మాతా యస్యేతి నేకుంతామాతర్హేఽర్జున॥
1-248-30 గృహైః మధ్యేయమునం నిర్మితైః క్రీడావాప్యాదియుక్తైః॥
1-248-39 ఉద్దేశం ప్రదేశం॥
1-248-43 హరిపింగః నీలపీతాఖిలాంగః। జ్వలశ్మశ్రుః జ్వాలావత్పీతశ్మశ్రుః॥
అష్టచత్వారింశదధికద్విశతతమోఽధ్యాయః॥ 248 ॥

www.sanatanadharm.com - play store app (sanatana dharm)

"Bharathiya Sanatana Dharm" and Sanatana Dharmam & Dharmo rakshati Rakshitha logo are our trademarks. Unauthorised use of "Sanatana Dharmam & Dharmo rakshoati Rakshitha" and the logo is not allowed. Copyright © sanatanadharm.com All Rights Reserved . Made in India.